Паглядзелі нядаўна з жонкаю выдатны фільм - "Апошні кароль Шатландыі". Ён абапіраецца на рэальныя падзеі, і таму вельмі ўражвае. А галоўнае - яскрава раскрывае істоту любой улады. Вось ужо некалькі дзён не магу вызваліцца ад пачуцця, што Уганда часоў Аміна, пра якую распавядае фільм і сёняшняя лукашэнкаўская Беларусь - адна і тая ж самая краіна. 

 Ну вось - ужо дваццаць трэцяя гадзіна трыццаць першага снежня. Толькі што скончыў прыбірацца, жоначка яшчэ гатуе нешта - але ў прынцыпе мы гатовыя святкаваць :) Трэба хуценька - караценька, хвілін на сорак - падбіць бабкі пад адыходзячым годам. Галоўныя падзеі 2008 у маім жыцці:

1. Пасля некалькіх год жыцця за мяжой (Кіеў, Штуттгарт, Варшава) я вярнуўся на Радзіму (вясна)
2. Радзіма падаравала мне каханне майго жыцця, і мы з Дар'яю ўзялі шлюб (восень)
3. Праца ў Белсаце была ў гэтым годзе вельмі цікавая (канфіскацыя камер, ператрусы, ляжанне тварам на бятоне)
4. Але грошы ў рэжыму скончыліся, і камітэту далі адбой - а ў нас прынялі дакументы на акрэдытацыю (зіма) PS. - мы абавязкова пераможам.
5. А яшчэ я ў гэтым годзе ўпершыню ў жыцці ўласнымі рукамі пры дапамозе цесця выкапаў сапраўдны калодзеж (восень)
6. Палазіў па пірамідзе Хеопса (лета)
7. Вырасціў маленькую туевую плантацыю з насення, сабранага ў Менскім батанічным (зіма)
8. Некалькі дзён таму ўзяў на выхаванне другога ката (зараз у нас з Дашаю іх два - малы і вялікі - Цёма і Мурза, якога афіцыйна завуць Red Beauty).

А так увогуле - галоўная выснова году такая - калі жыццё жывецца на дваіх, яно нашмат прыгажэйшае. Пайду пацалую жоначку і падзякую ёй за ўсё, што мы зрабілі разам у гэтым годзе. А ўсіх добрых людзей, якіх ведаю - з Новым Годам - і галоўнага - кахання!

 Першы кантакт з беларускім аўтасэрвісам адбыўся ў нас з жонкаю ў такі дзень, калі добры гаспадар і непатрэбнае кола з гаражу ня выкаціць. Увесь Менск нагадваў вялікае лядовішча, а мы з раніцы паперліся мяняць расходнікі. Дзякуй Богу, даслізгаліся. Дамова была на дзевятую, але нешта мяне падштурхнула загадзя перасунуць час на дзевятую трыццаць каб ня быць першымі. І добра, тамушта мы і так аказаліся першымі, ды яшчэ са спазненнем - механікі з'явіліся толькі каля дзесятай.

Шчыра кажучы, раней я даволі рэдка карыстаўся паслугамі аўтасэрвісу - машынкі, на якіх я ездзіў, былі старымі і рамантаваліся толькі калі ўжо самому было ну ніяк. Але тут справа іншая - наш новы мікрабусік нашпігаваны ўсялякімі электроннымі прыладамі па самае некуды, і без аўтасэрвісу наўрад ці абыдзешся. Так я думаў, пакуль прабіраўся на вуліцу Дзвінскую праз неймаверную слізгавіцу, што запанавала днямі на менскіх вуліцах.

Але калі я пабачыў, што цалкам буйны аўтасервіс не спадобіўся ў такое надвор'е прынамсі пясочкам пасыпаць пакрыты лядоваю коркаю даволі стромы ўезд на тэрыторыю, у галаве празвінеў першы званочак. Другі празвінеў тады, калі з мяне на старце злупілі амаль удвая больш грошай за замену аднаго з дэталёў, спаслаўшыся на тое, што "рамонт будзе складаны".

Далей было весялей - аўтамеханік, які мяняў паветраны фільтр, даволі доўга намагаўся ўпіхнуць яго адваротным бокам. Калі ён урэшце скеміў, што задам у паветразаборнік фільтр ну ніяк ня лезе - праца ў яго ўрэшце пайшла на лад. Мая жонка, якая стаяла побач, сказала мне - даражэнькі, наступным разам за сем тысячаў беларускіх рублёў я зраблю гэта сама. І мела рацыю.

Тут прыйшоў калега першага аўтамеханіка і пачаў мяняць паліўны фільтр. Трэба адзначыць, што тут ўсё было зроблена як трэба - саляркаю са шпрыца фільтр быў дапоўна запраўлены, і толькі пасля ўсталяваны. Але калі ўжо фільтр стаяў на месцы і шлангі былі падлучаныя, гэты аўтамеханік... запаліў. І ня проста запаліў, а схіліўся над мокрым ад саляркі фільтрам, каб лепей бачыць, ці месцы злучэнняў не цякуць. Гарачы попел з цыгарэты пры гэтым сыпаўся наўпрост на гэты самы фільтр. Мы з жонкаю толькі пераглядваліся, бо мову ў нас адняло.

Карацей, пачынаю з заўтрашняга дня шукаць фірмовыя інструкцыі Рэно па рамонце нашай машынкі, каб больш ня бачыць гэтага незабыўнага і экстрымнага аўтасэрвісу. Можа ня ўсё, але прынамсі большую палову маю намер навучыцца рабіць сам. Бо ў галаве яшчэ стаіць прачытаная недзе на аўтафоруме фраза - размер развода кліента на автосервісе огранічен только фантазіей автомеханіка. Залатыя словы!

 Як напісалі б у савецкія часы - "доска позора". Вось бы і нам такую - толькі з нашымі. І за ўсе гады.

Знайшоў у жж добрага чалавека Алега Панфілава спасылку вось на гэта - думаў, што каленкі абсікаю са смеху. І вам того же желаю :) Пуцінізм-медзвядзізм фарэва!!! (Аказваецца, што ў справе расейскага інфармавання па Абхазіі ёсць абгрунтаваныя гістарычныя прэцэдэнты).

 ...калі ў ЗША на выбарах можа перамагчы афраамерыканец, дык можа і ў нас на Беларусі беларускамоўны калі-небудзь?

 Сяджу, чытаю навіны ў нэце. У пакой уваходзіць жонка, пытаецца - ну што там чуваць? Я адказваю - ды вось - Юшчанка хоча распусціць збунтаваны парламент. А жоначка на гэта ўсхваляваным голасам - хто? Лукашэнка? парламент распусціць? - Рагаталі хвілін пяць.

О скандале с лицензией браузера уже писал ранее. Лицензию пофиксили. Но юзерам Хрома от этого легче не стало. Итак - по пунктам:

1. Каждая копия Хрома создаёт при инсталляции свой собственный идентификационный номер, который впоследствие оставляет в виде печати на всех услугах Гугл, в том числе и в поисковике Гугл. Чувствуете, чем пахнет?

2. Хром связывается со своей корпорацией также во время вписывания интернет-адреса - для нашего же, ессно, блага - он проверяет, нет ли данной страницы в списке фишинговых сайтов. А заодно и сливает в Гугл всю инфу о нашей инет-деятельности. Для критиков - я знаю, что так делают и другие браузеры - ИЕ и ФФ в том числе. НО - у них нет уникальных идентификационных номеров!

3. Браузер Гугла по умолчанию ставится в каталог данных отдельного пользователя компьютера. Это означает, что каждый юзер, инсталлируя Хром, ставит НОВУЮ КОПИЮ программы. То есть айдишник браузера становится айдишником каждого конкретного юзера на семейном или служебном компе. Теперь Гугл может запуливать профильные рекламы чрезвычайно адресно - опираясь на наши тематические предпочтения во время серфинга. Прощайте, остатки анонимности. Да, кстати - если браузер удалить, его индивидуальный номер ВСЁ РАВНО ОСТАЁТСЯ в каталоге юзера, и любая новопоставленная копия Хрома принимает его как свой.

4. Модуль автоматической актуализации, который ставится вместе с браузером, даже и после удаления браузера в виде процесса продолжает соединяться с корпорацией Гугл.

5. Чтобы не было так чернушно, стоит добавить, что как и любую другую программу Хром можно обмануть - но для этого придётся чуть потрудиться. Нужно закрыть программу, а после изменить ручками идентификационные данные Local State в установочном фольдере Гугл - (User Data). Меняются данные в рубриках "client_id" и "client_id_timestamp". Этим ключам необходимо присвоить значения соответственно: FA7069F6-ACF8-4E92-805E-2AEBC67F45E0 и 1220449017. После этой операции Хром будет обозначать себя липовым айдишником. Скорее всего, до первой актуализации, которая, как вы уже знаете - автоматическая.

Вывод, который я сделал из всего вышесказанного лично для себя - браузер Гугл Хром является чрезвычайно продвинутым спайвэром, и я желаю всяческих успехов всем его пользователям. 
 

 Апублікавалі мае старыя вершыкі ў амэрыканскім часопісе "Континент" - вось:

З 85 тысячаў сёлетніх першакурснікаў Беларусі толькі 31 тысяча вучыцца на бясплатных месцах! І гэта пры тым, што дзяржаўных ВНУ ў краіне ў чатыры разы больш чым прыватных. Ну і дзе яна - "сацыяльная дзяржава" Лукашэнкі? Дарэчы, мабыць невыпадкова некалькі дзён таму на Беларусі ліквідавана міністэрства статыстыкі :)

Поўны змест табліцы ўступаў-2008-BY - тут

 У гісторыі нічога не бывае назаўжды. І непазбежна надыдзе такі час, калі Расеі таксама будзе патрэбная дапамога суседзяў, якіх яна некалькі стагоддзяў запар рабавала і гвалціла. Вось тады і настане момант ісціны - трэба будзе расплаціцца за ўсе злачынствы. А плаціць трэба будзе шмат - і адной. Бо я ўпэўнены, што тады ніхто не прыдзе ёй з дапамогай - бо яна адсутнасць гэтай дапамогі больш чым заслужыла.

Шкада толькі, што ні мядзведзявы ні пуціны ў гэты момант пакараныя ня будуць - а зноў увесь цяжар гістарычнай помсты патрапіць на рускі народ. Але можа прынамсі гэта змусіць рускіх задумацца, у якой дзяржаве яны жывуць і колькі няшчасця прынеслі яны сваім суседзям за некалькі стагоддзяў акупацыі суседніх краінаў. Няхай гэты прагноз ня спраўдзіцца, але на жаль усё будзе менавіта так - Расея хутка адкажа за свае векавыя злачынствы.

upd:

Нават тыя, хто сёння знаходзяцца пад дулам расейскіх гарматаў - так званыя "бліжэйшыя саюзнікі" з краінаў-сяброў АДКБ падчас маскоўскага самміту гэтай арганізацыі АДМОВІЛІСЯ прызнаць незалежнасць Паўднёвай Асэтыі і Абхазіі. Вось яна - моц сяброўскіх адносін да Расеі краінаў, якія сёння ў яе закладніках.

 Карыстальнікі наогул вельмі рэдка чытаюць ліцэнзіі (EULA) падчас інсталяцыі праграмаў. Але ў выпадку Хрома - варта, бо там напісана, чаму карыстацца гэтым браўзэрам НІКОЛІ НЯ ТРЭБА.

Цытата з пункту 11.1 EULA браўзэра Google Chrome:

"Перадаючы, публікуючы альбо адлюстроўваючы змест, Карыстальнік перадае Гугл пастаянную, неадменную, сапраўдную ва ўсім свеце бясплатную і невыключную ліцэнзію на рэпрадукцыю, адаптацыю, мадыфікацыю, пераклады, публікацыю, публічнае адлюстраванне і распаўсюджванне ўсялякага Зместу перададзенага пры дапамозе Услугі (чытай браўзэра) альбо пры яго пасярэдніцтве".

А азначае гэта, шаноўныя, што КОЖНЫ змест Вашага прыватнага блога, фота, каментароў на форумах ці любая іншая інфармацыя з Вашага прыватнага жыцця, якая з'явілася ў акенцы Chrome, за Вашаю ўласнаю згодаю будзе назаўсёды станавіцца прыватнай маёмасцю транснацыянальнай карпарацыі Гугл. Гэта ўжо нават не Оруэлл, гэта поўны піпец! Так што дзякуй вялікі за ТАКІ броўзэр, я застаюся з Файэрфоксам. А аптымістам - жадаю поспехаў у санкцыянаваным эксгібіцыянізме.

    upd:

Гугл хуценька пафіксіў тэкст ліцэнзіі броўзэра Хром як толькі пачалася хваля незадавальнення сярод інтэрнаўтаў. Падрабязнасці - тут: 

Этот жж принадлежит Олегу Панфилову и содержит независимую от Кремля информацию по российско-грузинскому вооружённому конфликту. Цифра два в конце адреса от того, что оригинал журнала был взломан "неизвестным хакером" и уничтожен. Но это и так лучше чем судьба ингуша Магомеда Евлоева, владельца независимого сайта ингушетия.ру, которого на днях "случайно убили в милицейской машине". Читайте журнал Олега Панфилова - http://olegpanfilov2.livejournal.com/

Ах, што гэта быў за матч! 3:2!!! Малайцы палякі - прабіліся ў чвэрцьфінал :)

Трымайцеся, браты - вельмі шмат беларусаў з вамі, а не з Расеяй. Праўда пераможа - і ў вас і - дай нам Божа дажыць - у нас.

Кожны дзень.
Дзесяткі тысячаў беларусаў.
Ужо сёння глядзяць незалежнае беларускае тэлебачанне.
Са спадарожнікаў Сірыус і Астра.
Менавіта яны заўтра зменяць нашую краіну.
А ТЫ?
больш інфармацыі на www.belsat.eu

Калі рэжым скончыцца, што вы скажаце сваім дзецям, калі яны спытаюць вас - мама, тата, а што вы рабілі падчас дыктатуры Лукашэнкі?

Пачалося вяшчанне тэлеканалу Белсат на спадарожніку Сірыюс 4. Глядзіце, калі хочаце.

Дарэчы, як там спадар Зімоўскі, які казаў, што Белсата ніколі ня будзе на Сірыюсе, бо "у іх грошай ня хопіць" :))

Вельмі цікава было пабачыць сёння ступень ажыццяўлення ўсенароднага кахання да кіраўніка дзяржавы. На Прашпекце (менчукі ведаюць якім) у дамах вакол фаллічнага сымбалю ля вечнага агню гб-шнікі у касцюмах і гальштуках на перасоўным пад'ёмным кране звонку зачынялі форткі вокнаў, якія выходзілі на пляц. Зачынялі таму, што на пляц павінна была прыехаць асоба, якая лічыць сябе прэзідэнтам. А звонку - бо людзі на святочныя дні з'ехалі на лецішчы і пакінулі форткі адчыненыя. А народ кахае прэзідэнта так, што за кожнай адчыненай форткай можа ў прынцыпе стаяць снайпер. Ну дык адну шыбачку і пабілі, зачыняючы. Фіналу ня бачыў - мабыць фанеркай забівалі - бо ж адчыненай нельга было пакінуць. А было іх там вакол пляцу - праз кожныя дзесяць метраў па адным бясшыйным. Адным словам, празднік удался!

Інтэрфакс паведаміў з Менску, што "Белорусских фанатов Испании пришлось спасать от фанатов российской сборной
Милиционерам специального назначения ГУВД Мингорисполкома пришлось спасать от поклонников российской сборной по футболу около 50 активистов незарегистрированной молодежной оппозиционной организации «Зубр», которые переоделись в цвета испанской команды, сообщили в пятницу в правоохранительных органах.
«Инцидент с болельщиками произошел на Октябрьской площади в центре Минска во время трансляции на светодиодный экран футбольного матча между сборными России и Испании. Около полусотни «зубровцев», которые оделись в цвета испанской сборной и нарисовали на лицах испанские флаги, активно болели за испанскую сборную», - заявил источник.
По его словам, «после забитого россиянам гола поклонники российской сборной начали негодовать по поводу того, что «зубровцы» болеют за испанцев. Бойцам полка милиции специального назначения пришлось взять в кольцо поклонников испанской сборной и вытеснить их с площади в метро».
«Во избежание конфликта между болельщиками бойцы ПМСН удерживали 50 поклонников испанской сборной до конца матча», - отметили в правоохранительных органах."

Пасля гэтага толькі адно пытанне: чаму ў метро не загналі фанатаў рускай каманды?

Ёсць у Менску вялізны гіпэрмаркет - Біггз называецца - адразу за Менскай кальцавой дарогай. Усё ў ім добра - апроч вентыляцыі. Але ягонае галоўнае няшчасце палягае ня ў гэтым, а...

Ну дык вось. Заходзіць мой сябра ў гэты самы Біггз і бачыць, што ўсе аддзелы працуюць нармальна - толькі алкагольны застаўлены вазкамі, нягледзячы на тое, што прадаўцы там ёсць. На пытанне чаму не працуе аддзел, прадавец са смехам паказвае на невялічкі кавалак паперы фармату А4, на якім з адпаведнымі пячаткамі надрукаваны наступны тэкст:

"В связи с проведением весенних полевых работ постановлением Боровлянского сельсовета продажа алкогольных напитков на территории Сельсовета запрещается до их окончания".

Менчукі разумеюць у чым справа, а для неменчукоў тлумачу - няшчасце Біггза палягае ў тым, што ён пабудаваны з другога боку МКАДу - не гарадзкога, а сельскага - і гэтая тэрыторыя адміністратыўна падлягае Бараўлянскаму сельсавету - і таму вялічэзны гіпэрмаркет ня можа гандляваць алкаголем зза таго, што некалькі дзесяткаў бараўлянскіх трактарыстаў, (якія хутчэй за ўсё і так нічога апроч самагонкі ня п'юць) нібыта дзякуючы гэтаму будуць лепш змагацца за ўраджай.

Any comments? :) Seems 2 me - no need.